ہیرآکھیا سُتے سو سبھ مُٹھے نیندر ماریا راجیاں رانیاں نوں
نیند ولی تے غوث تے قُطب مارے نیند لُٹیا راہ پندھانیاں نوں
ایس نیند نے شاہ فقیر کیتے روبیٹھے نیں وقت وہانیاں نوں
نیند شیر تے دیو امام کُٹھے نیند ماریا وڈے سیانیاں نوں
سُتے سوئی وُگتڑے ادہم وانگوں غالب نیند ہے دیو رنجانیاں نوں
نیند ہیٹھ سُٹیا سلیمانؑ تائیں دیندی نیند چھڈا ٹکانیاں نوں
نیند پُتر یعقوبؑ دا کُھوہ پایا سُنیا ہوسیا یوسفی وانیاں نوں
نیند ذبح کیتااسمٰعیلؑ تائیں یونسؑ پیٹ مچھی وچ پانیاں نوں
نیند فجر دی قضا نماز کر دی شیطان دے تُنبواں تانیاں نوں
نیند ویکھ جو سسی نوں وقت پایا پھرے ڈھونڈ ھدی باروں وانیاں نوں
رانجھے! ہیر نوں بنھ لے ٹُرے کھیڑے دونویں روندے نیں وقت وہانیاں نوں
ساڈھے تن ہتھ زِمیں ہے مِلک تیری وارث ولیں کیوں ایڈولانیاں نوں
وارث شاہ
